പുതിയ ഫീച്ചറുമായി വാട്‌സ് ആപ്പ്: സന്ദേശങ്ങൾ ഇനി ഷെഡ്യൂൾ ചെയ്യാം!

നിരവധി ആളുകൾ ആണ് ഇപ്പോൾ വാട്സ്ആപ്പ് ഉപയോഗിക്കുന്നത്. അതുകൊണ്ടു തന്നെ പലപ്പോഴായി പുതിയ ഫീച്ചറുകൾ അവർ അവതരിപ്പിക്കാറുമുണ്ട്. അത്തരത്തിൽ ഒന്നിനുള്ള ഒരുക്കത്തിലാണ് അവർ. വാട്‌സാപ്പിൽ വരാനിരിക്കുന്ന മെസ്സേജ് ഷെഡ്യൂളിംഗ് ഫീച്ചർ ഉപയോക്താക്കൾ ഏറെ കാലമായി കാത്തിരുന്ന മെസ്സേജുകൾ ഷെഡ്യൂൾ ചെയ്യാനുള്ള ഫീച്ചർ വാട്‌സാപ്പ് പരീക്ഷിച്ചുവരികയാണ്. ഐഒഎസ് (iOS) ബീറ്റ പതിപ്പിലാണ് (version 26.7.10.72) നിലവിൽ ഈ ഫീച്ചർ കണ്ടെത്തിയിരിക്കുന്നത്. വ്യക്തിഗത ചാറ്റുകളിലും ഗ്രൂപ്പുകളിലും ഈ പുതിയ ഫീച്ചർ ലഭ്യമാകുമെന്ന് വാബീറ്റഇൻഫോ (WABetaInfo) റിപ്പോർട്ട് ചെയ്യുന്നു. ഈ ഫീച്ചർ ഉപയോഗിച്ച് ഒരു സന്ദേശം ടൈപ്പ് ചെയ്ത ശേഷം അത് അയക്കേണ്ട സമയവും തീയതിയും മുൻകൂട്ടി നിശ്ചയിക്കാൻ (Schedule) സാധിക്കും. നിശ്ചയിച്ച സമയമായാലുടൻ സന്ദേശം സ്വയമേവ അയക്കപ്പെടും. ജന്മദിനാശംസകൾ, വിവാഹ വാർഷിക ആശംസകൾ എന്നിവ കൃത്യസമയത്ത് അയക്കാൻ ഈ സൗകര്യം ഏറെ ഉപകാരപ്പെടും. വ്യക്തിഗത ചാറ്റുകൾക്ക് പുറമെ ഗ്രൂപ്പ് ചാറ്റുകളിലും സന്ദേശങ്ങൾ ഷെഡ്യൂൾ ചെയ്യാൻ സാധിക്കും.