റെയിൽവേ ഗേറ്റിൽ വാഹനം കുടുങ്ങി; അരമണിക്കൂറോളം ട്രെയിൻ ഗതാഗതം തടസ്സപ്പെട്ടു

കണ്ണൂർ: താഴെചൊവ്വ റെയിൽവേ ഗേറ്റ് അടയ്ക്കുന്നതിനിടെ റോഡ് മുറിച്ചുകടക്കാൻ ശ്രമിച്ച ജീപ്പ് ഗേറ്റിനുള്ളിൽ കുടുങ്ങി. ഇന്ന് ഉച്ചയോടെയാണ് സംഭവം. ഗേറ്റ് അടയ്ക്കുന്നതിനിടെ വാഹനം പാളത്തിന് സമീപം കുടുങ്ങുകയായിരുന്നു. തുടർന്ന് ക്രെയിൻ എത്തിച്ച് ജീപ്പ് സ്ഥലത്തുനിന്ന് മാറ്റി. വാഹനം മാറ്റുന്നതുവരെ റെയിൽവേ ഗേറ്റ് തുറക്കാനാകാത്ത സാഹചര്യമുണ്ടായി. ഇതോടെ ഇതുവഴിയുള്ള ട്രെയിൻ സർവീസ് ഏകദേശം അരമണിക്കൂറോളം തടസ്സപ്പെട്ടു. വാഹനം മാറ്റിയ ശേഷമാണ് റെയിൽ ഗതാഗതം പുനഃസ്ഥാപിച്ചത്.