Author
Gramika Team
Published
June 25, 2026
ദക്ഷിണ കൊറിയയെ അട്ടിമറിച്ച് ദക്ഷിണാഫ്രിക്ക പ്രീക്വാര്ട്ടറില്
മോണ്ടറെയ്: ദക്ഷിണ കൊറിയയെ എതിരില്ലാത്ത ഒരു ഗോളിന് പരാജയപ്പെടുത്തി ദക്ഷിണാഫ്രിക്ക ഫിഫ ലോകകപ്പിന്റെ നോക്കൗട്ടില്. നിര്ണായകമായ മത്സരത്തില് രണ്ടാം പകുതിയില് തപെലോ മസെക്കോ നേടിയ ഗോളാണ് ദക്ഷിണാഫ്രിക്കയ്ക്ക് ചരിത്രവിജയം സമ്മാനിച്ചത്. ജൂണ് 28-ന് ലോസ് ഏഞ്ചല്സില് നടക്കുന്ന അടുത്ത റൗണ്ടില് കാനഡയാണ് ദക്ഷിണാഫ്രിക്കയുടെ എതിരാളികള്. മെക്സിക്കോയ്ക്കും ചെക്ക് റിപ്പബ്ലിക്കിനുമെതിരായ മത്സരങ്ങളില് ദക്ഷിണാഫ്രിക്ക പ്രകടിപ്പിച്ച മങ്ങിയ പ്രകടനത്തിന് വിപരീതമായി, വലിയ ഊര്ജസ്വലതയോടെയാണ് ഇത്തവണ ടീം കളത്തിലിറങ്ങിയത്. ആരാധകരുടെ ശക്തമായ ആവശ്യപ്രകാരം റെലെബോഹിലെ മൊഫോകെങ്ങിനെ ആദ്യ ഇലവനില് ഉള്പ്പെടുത്തിയ കോച്ച് ഹ്യൂഗോ ബ്രൂസിന്റെ തീരുമാനം മത്സരത്തില് നിര്ണായകമായി. സ്ട്രൈക്കര് എവിഡന്സ് മക്ഗോപയെയും ആദ്യ ഇലവനില് ഉള്പ്പെടുത്തിയത് ടീമിന്റെ മുന്നേറ്റത്തിന് കരുത്തേകി.