തിരുവോണം ബമ്പർ 30  കോടിയുടെ ഒന്നാം സമ്മാനം കണ്ണൂരിലേക്ക്

തിരുവനന്തപുരം: തിരുവോണം ബമ്പർ ലോട്ടറിയുടെ ഒന്നാം സമ്മാനം ലഭിച്ചത് കണ്ണൂരിലെ ചക്കരക്കല്ലിൽ. തളിപ്പറമ്പിലെ പി വി വത്സരാജൻ തമ്പുരാൻ ലോട്ടറി സ്റ്റാളിൽ നിന്ന് വിറ്റ ടിക്കറ്റിനാണ് ഒന്നാം സമ്മാനം. ചക്കരക്കല്ലിലെ മുത്തു ലോട്ടറി ഏജൻസിയിൽ നിന്നാണ് ഇവർ ടിക്കറ്റ് എടുത്തത്. അനീഷ് എംവിയാണ് ഏജൻ്റ്. TL 360615 എന്ന നമ്പറിനാണ് ഒന്നാം സമ്മാനം. അനീഷിന് ക്രിസ്മസ് പുതുവത്സര ബമ്പറും നേരത്തെ അടിച്ചിരുന്നു. ഇത് രണ്ടാം തവണയാണ് ബമ്പർ സമ്മാനം തേടിയെത്തുന്നത്. 18 വർഷമായി ലോട്ടറി വില്പന രംഗത്ത് സജീവമായി ഉള്ളയാളാണ് അനീഷ്. ഇയാൾക്ക് ആറ് ലോട്ടറി കടകളാണുള്ളത്. ഇതിൽ നാലെണ്ണം ഹോൾസെയിൽ കടകളാണ്.