ആഴ്ചയിൽ അഞ്ച് മുട്ട, അൽഷിമേഴ്സ് സാധ്യത 27 ശതമാനം വരെ കുറയും

കുറഞ്ഞ ചെലവിൽ മികച്ച പ്രോട്ടീൻ കിട്ടാനുള്ള ഏറ്റവും എളുപ്പമുള്ള മാർ​ഗമാണ് മുട്ട. പ്രോട്ടീൻ മാത്രമല്ല, 13 സുപ്രധാന വിറ്റാമിനുകളും ധാതുക്കളും അടങ്ങിയ മുട്ട ആരോ​ഗ്യത്തെ പലവിധത്തിൽ ​ഗുണം ചെയ്യുന്നുണ്ട്. ഇപ്പോഴിതാ, അൽഷിമേഴ്സ് സാധ്യത കുറയ്ക്കാനും മുട്ടയ്ക്ക് സാധിക്കുമെന്നാണ് പുതിയ കണ്ടെത്തൽ. ജേണൽ ഓഫ് ന്യൂട്രിഷനിൽ പ്രസിദ്ധീകരിച്ച ദീർഘകാല പഠനത്തിലാണ് ഈ കണ്ടെത്തൽ. മുട്ടയിൽ അടങ്ങിയ കൊളിൻ, ഒമേ​ഗ-3 ഫാറ്റി ആസിഡുകൾ, വിറ്റമിൻ ബി12, ല്യൂട്ടിൻ പോലുള്ള പോഷകങ്ങൾ തലച്ചോറിന്റെ ആരോ​ഗ്യത്തെ പോഷിപ്പിക്കുന്നതാണ്. ആഴ്ചയിൽ അഞ്ചോ അതിലധികമോ തവണ മുട്ട കഴിച്ചവരിൽ അൽഷിമേഴ്സ് സാധ്യത ഏകദേശം 27 ശതമാനം വരെ കുറഞ്ഞതായി പഠനം വ്യക്തമാക്കുന്നു.